سجل حضورك بكتابة بيت شعر او خاطرة

أحبتي شاركونا معكم أجمل الكلمات وأطيب همسات القوافي الي قرأتوها سمعتوهاأو كتبتوها..... انا بانتظار مشاركاتكم.....يلا........مع أطيب المنى....

ليتني حلم ليـل ونجتمع بالخفا
نطفي الشوق فينا والليالي تزين


في عيونك حياة وفي حروفك دفا
وفي شفاتك قراح لذة الشاربين


حـط ايدك بيدي لين تعرق وفا
ضمني لين نسمع للمحاني ونين


وحط جفنك بجفني صاحي ماغفا
وخل عينك بعيني تستثير الحنين


ضمني مل قلبي من طعون القفا
دمعة في عيوني ما أبيها تبين


أروني من حنـانك يوم وقتي صفا
داو جرح تربع في فؤادي سنين


انت مثلي تقول ان الزمن ماكفا
كننا نلتقي اليـوم ويـن السنين